Igandean beteko dira hamar urte 'Goierriko Hitza'-k bere lehen zenbakia argitaratu zuenetik. Hori ospatzeko ekitaldi berezia antolatu dute larunbaterako. Irrien Lagunak elkarteko kideekin batera, Goierriko 28 eragilek parte hartuko dute. Sarrerak 'Hitza'-ren Beasaingo eta Urretxuko bulegietan, Legazpiko Karibe Zaharra tabernan, Lazkaoko Gerrikon, Ordiziako Mujika liburudendan, Zumarragako Lanbroa belardendan eta Urretxuko Fox tabernan eskura daitezke, bost eurotan. Eskaera egin daiteke, era berean, [email protected] helbide elektronikoan. Urriaren 25ean beste festa bat egingo dute, Ordizian.
Urriaren amaieran, bestalde, diseinua berrituko du 'Goierriko Hitza'-k, paperean zein webgunean.
Udazken honetan itxura aldatuko du 'Urola Kostako Hitza'-k ere. Ostiralean, 'Urola Kostako Hitza'-ren 10. urteurrenaren harira, Etxepare RAPek kontzertua eskainiko du Azkoitiko Kontzejupean, 22:30ean. (Maxixatzen Euskaldunon Elkartearekin batera).
