Goi tentsioko linearen aurkako agiri bat sinatu dute 300 hautetsik eta 40 alkatek

IRUÑEA. Autopista Elektrikorik Ez plataformak Mila baietz! egitasmoa aurkeztu du: adierazpen bat ondu dute Itsaso (Gipuzkoa) eta Deikaztelu (Nafarroa) arteko goi tentsioko linearen kontra, eta proiektuak kalte eginiko eskualde eta udalerrietako mila hautetsiren atxikimendua nahi dute. Dagoeneko, 300 hautetsik eta 40 alkatek sinatu dute. Irailean batzar bat eginen dute, «estrategia bateratua» aurkezteko.