Ipar Euskal Herriko Gazte Koordinakunde Sozialistak salatu du beren kide bat auzipetu dutela, iazko udaberrian Zuberoan margoketa batzuk egin izana leporatuta. Gazte antolakunde horrek bidalitako oharraren arabera, Mauleko jendarmeriak eramandako ikerketa baten ondorioa da gaztearen kontrako prozedura judiziala, eta maiatzean epaituko dute Paueko Auzitegian.
«Militantzia politikoaren kriminalizazioa» salatu du Ipar Euskal Herriko GKSk, eta auziperatzearen gastuei aurre egiteko antolatuko dituzten dinamiketan parte hartzera deitu du: «Errepresio politikoaren kontra, klase elkartasuna!».
ð;Â;ŸÂ”´ð;Â;ŸÂ”´ð;Â;ŸÂ”´ Gure militante baten kontrako prozesu judizial bat ireki dute, Xiberuan agertu ziren pintaketa batzuk egitea leporatuz. Maiatza bukaeran epaituko dute Paueko auzitegian.
— Ipar Euskal Herriko GKS (@GKS_IEH) February 13, 2022
