Txosnen esparru ofizialetik gertu, baina gunetik at; GKSk bere txosna jarri du azkenerako Gasteizko jaietan.
Mugimendu Sozialistari Bilboko eta Gasteizko jaietan parte hartzen uztea exijitu zuten 150 kulturgilek maiatzaren hondarrean, gutun bat sinatuz, «betoen kontra» eta «konponbidearen alde». Itziar Ituño, Bernardo Atxaga, Mireia Gabilondo eta Joseba Sarrionandia izan ziren sinatzaileetako batzuk.
Gasteizko Txosna Batzordeak luze gabe erantzun zion eskaera horri, eta betoa jarri izana ukatu: «Mugimendu Sozialistaren bi talde gehiago ez sartzeko erabakia ez da beto politikoa: prozesu guztiz legitimo baten emaitza da».
Bada, azkenean, GKSk txosna jarri du Andre Maria Zuriaren jaietan, baina Gasteizko Udalak txosnentzat gordetako esparrutik kanpo. Gainontzeko talde sozialen txosnetatik hurbil dago, nolanahi ere, EHUko Letren Fakultatearen aurrean.
