Eusko Jaurlaritzako Segurtasun Sailak jakinarazi duenez, gizon baten gorpua aurkitu dute gaur goizean Arrasaten (Gipuzkoa). Goizeko zortziak aldera topatu dute, San Frantzisko kalean.
Ertzaintzak jakinarazi du 60 urteko gizonezko batena dela gorpua, baina ez du argitu indarkeria zantzuak ote dituen. Auzitegi Medikuntzako Institutura eraman dute hilotza, autopsia egin diezaioten.