Gasteizko Udaltzaingoak jakinarazi duenez, gizonezko batek hiru adingaberen aurrean bere bikotekideari eraso egin ziolako abisua jaso zuen goizaldean. Gasteizko Zaramaga auzoko etxe batera bidali zuten patruila, eta gizona atzeman zuten jada etxetik kanpo zegoela.
Gasteizko auzo berean, Zaramagan, 42 urteko gizonezko bat eta 20 urteko emakumezko bat atxilotu dituzte, biek ezarriak dituzten urruntze aginduak urratzeagatik. Lekuko baten arabera, gizonezkoak indarrez atera zuen emakumea ibilgailu batetik. Udaltzaingoari abisua eman zion, eta agenteek bertaratu zirenean baieztatu zuten biek zeuzkatela ezarrita urruntze aginduak. Ondorioz, biak atxilotu zituzten.
