Alderrai zebilen furgoneta bat ikusi du Ertzaintzak gaur goizaldean A-8 autobidean, Oiartzunen (Gipuzkoa). Furgoneta geldiarazi egin dute. Gidaria eta hamabi lagun zihoazen barruan. Identifikatu egin dituzte: guztiak ziren atzerritarrak, eta, Eusko Jaurlaritzako Segurtasun Sailaren arabera, legez kanpo bidaiatzen ari ziren Frantziatik Portugalera. Gidaria, 34 urteko gizona, atxilotu egin dute. Pertsonen legez kanpoko trafiko delituak egotzi dizkiote.
Bidaiariek Ertzaintzari esan diotenez, 300 eta 600 euro bitartean ordaindu dituzte Frantzia eta Portugal arteko bidaia egiteko.
