Iruñeko Udaltzaingoak 50 urteko gizonezko bat atxilotu zuen bart gauean, emazteari eraso egitea leporatuta. Emakumeak berak eman zuen abisua, Udaltzaingora dei eginda. Salatu zuen eztabaida izan zutela, eta gizonezkoak eraso egin ziola.
23:00etan atxilotu zuten gizonezkoa, bikotearen etxebizitzan bertan, Iturrama auzoan. Udaltzainek deklarazioa hartu zieten bai ustezko erasotzaileari bai emakumeari, eta gizonezkoa atxilo eraman zuten. «Familia barruko tratu txar delitu bat» leporatzen diote, indarkeria matxista larrigarritzat hartuta.
