Foruzaingoak gizon bat atxilotu du asteburuan Iruñean, bikotekide ohiaren etxean sartu, hari eraso egin, eta ume bat eramaten saiatzea egotzita. Jakinarazi dutenez, osasun zentro batean artatu behar izan dute emakumea, besoan zauriak zituelako.
Emakumea Foruzaingoarekin hitz egiten ari zen bitartean, gizonak sakelakoa kendu zion, eta, eraso egin ondoren, elkarrizketa eta argazkiak begiratu. Bizilekua bortxatzea, tratu txarrak ematea, indarkeriaz lapurtzea eta sekretuak ezagutaraztea egotzi diote atxilotuari.
