Iruñeko Udaltzaingoak 62 urteko gizon bat atxilotu du, 29 urteko beste bati sexu eraso bat egitea egotzita. Udaltzaingoak zehaztu duenez, 29 urteko gizonak salatu zuen besteak ukituak egin zizkiola autobusen geltokiko komunetan, urtarrilaren 6an, 14:20an.
Poliziak autobusen geltokiko kamerek grabatutako irudiak aztertu zituen, eta lekukoei ere galdetu zien, erasotzailea identifikatzeko asmoz. Identifikatu zuten, eta Udaltzaingoaren bulegoetara joateko esan zioten. Gizona herenegun joan zen, eta bertan atxilotu zuten. Udaltzainek epailearen esku utzi zuten.
