Gizon bat atxilotu dute Gasteizen, sexu eraso bat egitea leporatuta
GASTEIZ. Atzo goizaldean 28 urteko gizon bat atxilotu zuten Gasteizen, emakume bati eraso egiteagatik. Ertzaintzak jakinarazi zuenez, Foruen plaza inguruan izan zen erasoa: emakumeari ukituak egin zizkion gizonak, eta hark kargu hartu zionean, ukabilkada bat eman eta konorterik gabe utzi zuen. Jaietan salatutako laugarren eraso sexista izan da; Gorka Urtaran alkateak adierazi du festak «ia bikainak» izan direla, «matxismo onartezina erakutsi dutenengatik izan ezik».
Iruzkinak
Ez dago iruzkinik
Ordenatu