Frantziako Poliziak 32 urteko gizon bat atxilotu du, Iruñean adingabe bati sexu erasoa egitea egotzita. Atxiloketa asteon egin dute, baina gaur eman dute horren berri. Erasoa otsailean gertatu zen, Iruñeko Txantrea auzoko etxebizitza batean. 16 urteko neska batek salatu zuen gizon batek bortxatu egin zuela. Iruñeko Udaltzaingoak ikerketa abiatu zuen, erasoaren nondik norakoak argitzeko.
Gizona ihes eginda zegoen, eta Espainiako Poliziak hura bilatzeko eta atxilotzeko nazioarteko agindua eman zuen. Azkenean, Frantzian aurkitu dute gizona, eta atxilotu egin dute. Epailearen esku utzi dute gizonezkoa, eta hark erabakiko du Espainiako Poliziaren esku utziko duen, edo han espetxeratu.
