Foruzaingoak gizon bat atxilotu zuen atzo gauean Berriozarren, emakume bati sexu eraso bat egiteagatik. Foruzaingoak 23:00ak aldera jaso zuen sexu erasoaren abisua. Emakumea Nafarroako Ospitale Unibertsitariora eraman zuten.
Foruzaingoak guztira bederatzi gizon atxilotu ditu astelehenetik ostiralera bitartean indarkeria matxistagatik: horietatik lau tratu txarrak emateagatik, Cadreitan, Iruñean eta Orkoienen; bost atxilotu, berriz, urruntze aginduak urratzeagatik, Berriozarren, Iruñean, Lesakan eta Zizur Nagusian. Berriozarren, gizon bat identifikatu zuten «egoera txarrean» zegoen patinete batean ibiltzeagatik. Identifikatutakoan, ikusi zuten urruntze agindua urratzen ari zela, gizonarengandik babestutako emakume batengandik 300 metro baino gutxiagora zegoelako.