Gasteizko txosnek balorazioa egin dute: ontzat jo dituzte aurtengo jaiak. Txosnagunea errotuz doala azpimarratzeaz gain, aurtengo apustu nagusiei emandako erantzun zuzena nabarmendu dute: auzolana, ekologia, hezkidetza, euskara... Gainera, eman duten afari kopurua azpimarratu nahi izan dute: 3.700 afari batez beste gau bakoitzean. Aurten, gainera, otartekoez gain, tostak, hanburgerrak edo errazioak jateko aukera izan da. Edalontzi berrerabilgarriekin ere pozik daude: "Kanpaina errotuta dago; inoizko berrerabilpenik handiena izan dugu".
Nahiz eta txosnagunean eraso sexisten berririk ez izan, halakoak amaitzeko konpromisoa berretsi dute: "Eguneroan gainditu gabe dauden hainbat gatazkak, azkenean, isla dute jai giroan: sexismoak eta homobofobiak, besteak beste". Ohartarazi dute jende kopurua jaitsi egin dela abuztuaren 6tik aurrera, Gasteiz guztian bezala: "Gasteizko jaiei zerbait falta zaie. Jaien alde ahulak eta sendoak aztertu behar dira, eta ebaluatutakoaren gainean proposamenak egin".
