DONOSTIA. Amnistia osoaren aldeko Tinko erakundeak zabaldu duenez, Garikoitz Etxeberria presoak gose greba utzi du, Zaballako espetxeko zuzendaritzarekin akordioa eginda. Apirilaren 19an hasi zuen protesta, zuzendaritzak beste preso batekin zelda partekatzera behartu nahi zuela jakitean.
«Kartzelak ziurtatu dio aste honetan edo hurrengoan ez duela ziega beste inorekin partekatu behar», helarazi du Tinkok. Zaballako beste zazpi presok bat egin zuten haren protestarekin: Jon Kepa Preciadok, Orkatz Gallastegik, Mikel San Sebastianek, Aitor Cotanok, Dani Pastorrek eta Jesus Mari Etxebarriak. Horrez gain, Patxi Ruizek gose greba hasi zuen Iruñeko kartzelan. Basaurin, berriz, protesta hasi zuten Jon Mirena Sampedrok eta Oskar Barrerasek.
Garikoitz Etxeberriak gose greba utzi du
Iruzkinak
Ez dago iruzkinik
Ordenatu
