Frantziak dio ez dagoela AHTaren lotura 2030ean amaitzeko konpromisorik

MADRIL. Jean-Michel Casa Frantziako Gobernuak Espainian duen enbaxadoreak gezurtatu egin du abiadura handiko trenaren (AHT) mugaz gaindiko lotura 2030ean amaitzeko konpromisoa dagoela. Casak adierazi du urtarrilean bi gobernuen artean egindako goi bileran ez zela data hori adostu. «Argi eta garbi, inoiz ez da 2030az hitz egin ardatz atlantikoaren inguruan», esan du.