Frankismoko krimenak ikertzea alboratu dute

IRUÑEA. Ceaquak salatu du Nafarroako Lurralde Auzitegiak frankismoko krimenak ikertzeari «uko» egin diola. 1972. urtean pairatutako legez kanpoko atxiloketa eta torturak iker zitezen helegitea jarri zuen Concepcion Edo Gilek, baina atzera bota du justiziak. Franco diktadorea bizi zen oraindik, emakume gaztea zen bera orduan eta legez kanpoko atxiloketa baten eta torturen biktima izan zen. Delituak preskribatuta daudela argudiatu du auzitegiak, eta legezkotasun printzipioaren eta Amnistiaren Legearen ondorioz ezin direla diktadura aroko krimenak ikertu eta epaitu. Frankismoan egin ziren krimenen gaineko «zigorgabetasuna» salatu du Ceaquak.