«Foru pasea» eguneratzea da Espainiako Gobernuaren eta EAEren arteko harreman politiko berria finkatzeko bermea, Iñigo Urkullu Eusko Jaurlaritzako lehendakariaren ustez. Autogobernuaren jardunaldia ixteko hitzaldian adierazi duenez, alde biko eredua ezinbestekoa da berak estatuarekin itundu nahiko lukeen akordioan.
Alde biko harremanen adibide gisa jarri du Kontzertu Ekonomikoaren Batzorde Mistoa. Itun ekonomikoaren eskema arlo politikora eraman nahi duela adierazi du.
Bestalde, autogobernu lantaldean «ageriko adostasunak» atzeman ditu: Gernikako Estatutuaren balioaren aitortza, legea oraindik erabat garatzeko dagoenaren ustea, hura eguneratzeko nahia eta autogobernuaren berezitasuna errespetatzeko beharra.
«Foru pasea» eguneratzeko eskatu du Urkulluk
Iruzkinak
Ez dago iruzkinik
Ordenatu
