Fermin Martinez Bergara euskal presoa aske utzi dute, eta gaur irten da Lannemezaneko espetxetik, Frantziatik. Martinez Lodosakoa da (Nafarroa), eta hogei urte egin ditu preso. Frantzian ezarritako zigorra bete ostean geratu da aske.
Etxerat-en zerrendaren arabera, beste bost euskal preso politiko geratzen dira Lannemezanen: Javier Abaunza, Arkaitz Agirregabiria, Garikoitz Aspiazu, Iñaki Esparza eta Mikel Karrera.
