Fan Hemendik eguna egingo dute gaur Oñatin, polizia indarrek «alde egiteko»

OÑATI. Seigarren Fan Hemendik eguna ospatuko dute gaur Oñatin (Gipuzkoa). «Guardia Zibilak eta polizia indarrek alde egitea» du helburu mugimenduak, eta hori aldarrikatuko dute, egun osoko egitarauarekin. Triki-poteoa egingo dute 12:30ean, bazkaria gero, elektrotxaranga 18:00etan, eta manifestazioa 19:00etan. Kontzertuak izango dira gauean, Txipittu, Autobus Magikoa eta Kolpatu taldeekin.