Ezker Batuaren egoitzan izango da Silva epailea

BILBO. Sare Mugimenduko hautagai Elpidio Silva epaileak Ezker Batuaren egoitzan egingo du kanpaina aurkezteko ekitaldia, ostiralean, 12:30ean. Silva ezaguna da Espainian Caja Madrideko presidente ohi Miguel Blesa espetxeratu zuelako, eta «ustelkeriaren aurkako borroka frontetzat» du Ezker Batuak. Alderdi horrek ez die zehaztu jarraitzaileei botoa nori eman, eta hainbat eztabaida saio antolatu ditu hausnarketa bultzatzeko.