EZINDUENTZAT LAN ESKE

Ezintasun intelektuala duten pertsonek enpresetan praktikak egiteko leku handiagoa izan dezaten, kanpaina bat hasi du Atzegi elkarteak. Astelehenek zoratu egiten naute jarri diote izenburua ekimenari. Gaur egun 64 pertsona ezindu ari dira praktiketan Gipuzkoako udaletan, enpresetan eta eskoletan. Gehiagorentzat postuak sortzea da Atzegiren helburua. «Garapenerako aukerak» eskaini nahi dizkiete pertsona horiei, Josean Idoeta presidenteak adierazi duenez. Horretarako, lanerako ikastaro bat ematen diete ezinduei, eta lehen egunetan laguntzaile bat izaten dute.