BILBON. Osakidetzako larrialdietako langileek protesta egin zuten atzo Bilbon, ELA, CCOO, LAB, SATSE, ESK, SME eta UGT sindikatuek deituta. Ruth Salaberria ESKren ordezkari sindikalak azaldu zuenez, Langraizko (Araba) anbulantzia medikalizatuan «proiektu pilotu» bat egingo dute, eta horrek «langileen eskubideak urratu» egingo ditu.
Eredu berrian, langileek 1.500 orduko egutegia izango dute: egun dituztenak baino 200 ordu gutxiago. «Horrek esan nahi du 200 ordu horiek zuzendaritzak hala eskatzen digunean bete beharko ditugula». Hau da, edonoiz prest egon beharko dute lanera joateko. Zuzendaritzarekin hitz egiten saiatu dira, baina ez du «negoziatzeko borondaterik» erakutsi.
Biltegietako langileek ere protesta egin zuten, Osakidetzako biltegien zentralizazio plana salatzeko. Sindikatuek diotenez, biltegiak Iurretan (Bizkaia) zentralizatzeak enplegu publikoak suntsitzea eragingo du. Era berean, zerbitzua pribatizatu nahi izatea leporatu diote Osakidetzari.
Ezarri nahi dieten eredua salatu dute larrialdietako langileek
Biltegietako beharginek, berriz, zentralizazio plana kritikatu dute, enplegu publikoak suntsituko dituelako
Iruzkinak
Ez dago iruzkinik
Ordenatu
