Eusko Legebiltzarraren Bateraezintasunen Batzordeak ez du oztoporik topatu legebiltzarkideetan haien kargua bete dezaten. Hau da, legebiltzarkideek ez dute kargu horrekin uztartu ezin den bertze jarduerarik egiten. Hori argitzeko, pertsona horien jarduerak edo kargu publikoak zein diren aztertu du batzordeak, eta haren erabakia bozkatu eginen da datorren osteguneko osoko bilkuran.
Jon Aiartza eta Josune Eskota (EAJ), Oihana Etxebarrieta eta Nerea Kortajarena (EH Bildu), Alberto Alonso eta Miren Gallastegi (PSE-EE), Ainhoa Domaika eta Muriel Larrea (PP), eta Jon Hernandez eta Amaia Martinez (talde mistoa) daude Bateraezintasunen Batzordean. Horien erabakia bozkatzeaz gain, hurrengo lehendakariaren inbestidura saioa noiz izanen den jakinaraziko dute datorren ostegunean.
