Eusko Alkartasunak Itsas Gudarien Eguna ospatuko du Bermeon

Martxoaren 2an egingo dute «estatus politiko berriaren aldeko mobilizazio sozialari» buruzko topaketa hori.

Eba Blanco EAko idazkari nagusia. RAUL BOGAJO / FOKU
Eba Blanco EAko idazkari nagusia. RAUL BOGAJO / FOKU
2025eko otsailaren 21a
11:45
Entzun 00:00:0000:00:00

Itsas Gudarien Eguna dela eta, Eusko Alkartasunak solasaldia antolatu du Bermeon (Bizkaia) martxoaren 2rako, igandez: Demokrazia. Erabakia. Subiranotasuna lelopean ariko dira Eba Blanco EAko idazkari nagusia, Idurre Bideguren EH Bilduko senataria, Zelai Nikolas legelaria eta Irantzu Perello Gure Esku-ko kidea. «Euskal Herriaren estatus politiko berriaren eta berme guztiekin erabakitzeko eskubidearen aldeko mobilizazio sozialari» buruzko topaketa izango da, EAk jakinarazi duenez.

Hala, estatutu berriaren proposamena, Europako Batasunean «esparru bat izateko beharra», negoziazio politikoa eta Gure Esku-ren lana izango dira jorratuko diren gaietako batzuk. Matxitxakoko batailaren 88. urteurrenean itsas gudariei urtero egiten zaien omenaldiaren ondoren egingo dute topaketa.

Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Kazetaritza propio eta independentearen alde, 2025 amaierarako 3.000 irakurleren babes ekonomikoa behar du BERRIAk.