Euskaraz ikasteko eskubidearen aldeko kanpaldi bat egin du asteon NUP Nafarroako Unibertsitateko Euskara Taldeak, eta, atzo, manifestazio batekin amaitu zuten protesta. Euskara gaia, bada garaia! Unibertsitatea euskaraz orain! lelopean abiatu ziren Iruñeko Baratxurien plazatik. Ehunka lagun bildu ziren protestara, ikasle mugimendu osoak bat egin baitzuen deialdiarekin.
Manifestazioan salatu zuten euskara «bigarren mailan» egon dela beti unibertsitatean: «Euskaraz ikasteko eskubidea ukatzen zaigu, eta hau errektoreordetza guztien oniritziarekin egin dute». NUPeko errektore Ramon Gonzalori zuzenean eskatu diote konponbideak bilatzeko euskararen etorkizuna bermatzeko.
Euskaraz ikasteko eskubidea aldarrikatu dute NUPeko ikasleek
Iruzkinak
Ez dago iruzkinik
Ordenatu
