Euskara eskakizunak apaltzeko eskatu du Euskara Denontzat plataformak

BILBO. Euskara Denontzat plataforma aurkeztu zuten atzo Bilbon, eta euskararen aldeko hizkuntza politika aldatzeko eskatu dute. Plataformako kideen hitzetan, «gehiegizko» euskara maila eskatzen da, eta oztopo da administrazio publikoan lanpostua lortzeko; haien iritziz, egoera soziolinguistikora egokitu behar da eskakizuna.