Euskaltzaindiak Asun Garikano euskaltzain oso izendatu du

Akademiak gehiengo osoz hautatu du idazle eta itzultzaile tolosarra, Iruñean eginiko osoko bilkuran

2023ko irailaren 30a
00:00
Entzun 00:00:0000:00:00
IRUÑEA. Asun Garikano Iruretagoiena (Tolosa, Gipuzkoa, 1962) irakasle, itzultzaile eta idazlea euskaltzain oso izendatu zuen Euskaltzaindiak atzo, Nafarroako Parlamentuan egin zuen osoko bilkuran. Patxi Goenaga euskaltzain emeritu izendatzeak eragindako hutsunea beteko du Garikanok, akademiak gehiengo osoz erabakita.

Euskal Filologian lizentziaduna da. Gasteizko Iraleko irakasle eta Eusko Jaurlaritzako EIMAko kide izan zen. Ameriketako euskaldunei buruzko bi libururen egilea da: Far Westeko Euskal Herria (Pamiela, 2009) eta Kaliforniakoak 1533-1848 (Pamiela, 2013). Itzultzaile gisa, ingelesetik euskarara itzuli ditu Robert Louis Stevensonen, William Faulknerren, John Steinbecken, Patricia Highsmithen eta beste zenbait egileren lanak. Bernardo Atxagaren euskarazko eta gaztelaniazko obra guztien edizioaz arduratu da.
Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Kazetaritza propio eta independentearen alde, 2025 amaierarako 3.000 irakurleren babes ekonomikoa behar du BERRIAk.