Euskal preso, iheslari eta deportatuen etxeratze prozesuaren aldeko aldarriak entzun dira gaur Bakio, Laida, Lekeitio (Bizkaia), Donostia, Mutriku eta Orioko (Gipuzkoa) hondartzetan. Urtero antolatu ohi ditu ekintza horiek Etxerat elkarteak, baina aurten, lehen aldiz, Sare Herritarrarekin batera mobilizatu dira Hego Euskal Herriko kostaldean. «Indarrak batzea ezinbesteko zaigu fase berri honetan», adierazi dute. «Sakabanaketari amaiera ematea lortu genuen bide beretik lortuko dugu etxeratze prozesua bukaeraraino gauzatzea».
🟢 Donostiako hondartzako bideoa.
— Etxerat Elkartea (@EtxeratElkartea) August 4, 2024
Euskal preso, iheslari eta deportatuen etxeratzea eskatu dute Hego Euskal Herriko 6 hondartzetan https://t.co/p6slxOhB5T
Piden la vuelta a casa de presos, exiliados y deportados vascos en 6 playas de Hego Euskal Herriahttps://t.co/qf5X2I6L6Wpic.twitter.com/3uVg8xeVdK
Aldarrikatu bai, baina eskatu ere egin behar dutelakoan daude, «euskal gizarteak aurrera egin behar duelako»: «Gatazkaren ondorioen konponbide prozesuari aterabidea ematea beharrezko da elkarbizitzari ateak irekitzeko».
Ikusi gehiago
Horretarako, uste dute ezinbesteko dela Euskal Herrian bizi izandako biolentzia guztien biktimen mina aitortzea, eta euskal presoen auziari behin betiko aterabidea ematea. Neurri jakin bat aipatu dute: «Egun indarrean dagoen eta zigorra eta sufrimendua behar baino gehiago luzatzen dituen salbuespen legedia indargabetzea».
