Vocento taldeak gaur arratsaldean jakinarazi duenez, Euskal Herriko bi andre hil dira Tanzanian, istripu batean. Jakinarazi dute biak familia bereko kideak direla eta familiako kide gehiagorekin joanak zirela bidaia batean Afrikako herrialde horretara. Ezbeharrean sendi bereko kide gehiago ere zauritu direla esan dute. Atzo gertatu zen ezbeharra.
Albistea zabaldu duen hedabidearen arabera, Espainiako Gobernuko Atzerri Ministerioko arduradunek baieztatu diete berria, eta esan diete urratsak egiten ari direla familia osoari laguntza emateko. Argibide gehiago ez dute eman oraindik, ordea, iturri ofizialek.
