Euskal Elkargoak bilkura du gaur

Euskal Elkargoaren batzorde iraunkorra bilduko da, gaur arratsean, Baionan. 69 kidez osatua, erakundearen egunerokoa kudeatzeko ardura du. Prentsari bidalitako gai ordenan ez dute ETAren armagabetzea aipagaietan sartu, baina litekeena da batzarrean erabaki bat hartzea. Eusko Legebiltzarrak eta Nafarroako Parlamentuak armagabetzea babesteko testu bana onartu ondotik, Euskal Elkargoa baizik ez da falta. Bere «erantzukizuna»hartuko duela iragarri zuen Jean Rene Etxegaraik, baina elkargoko kontseiluaren babesa falta du. Ondoko egunetan egin dezakete bilera.