Euskadiren Eguna abenduaren 3an izatea: horixe da EH Bilduk atzo legebiltzarrera eramandako proposamenetako bat. Elkarrekin Podemosek babestu zuen, eta abstenitu egin zen EAJ. Kontra bozkatu zuten PSE-EEk eta PPk, eta, horrenbestez, proposamena eztabaidarako onartu zen.
Euskararen eta Nafarroaren egunarekin bat egingo luke Euskadiren Egunak, proposamena onartuko balitz. Erabat egokitzat jo zuen hori Pello Urizar EH Bilduko legebiltzarkideak, «euskara euskal herritar guztien batasuna irudikatzen duen ikur nagusia» delako. Horrekin bat egin zuen Lander Martinez Elkarrekin Podemosekoak, eta baita Joseba Egibar EAJkoak ere, baina «kezkatuta» agertu zen, EH Bilduk bere proposamena haiei ezer esan gabe egin duelako. Jeltzaleak eztabaidatzeko prest daudela zioen, baina garbi utzita haientzat Euskadiren Eguna «Aberri Eguna» dela.
Euskadiren Eguna abenduak 3 izatea eztabaidatuko da
Iruzkinak
Ez dago iruzkinik
Ordenatu
