Euneiz geratzeko eskaera, ozentzen

Gasteizen abiatu nahi duten Euneiz unibertsitate pribatua geldiarazteko eskatzen duten ahotsak ozentzen ari dira. Atzo, elkarretaratze bat egin zuten ELA, LAB, Steilas, CCOO, CGT/LKN eta ESK sindikatuek eta Ernai eta Ikasle Kontseilua erakundeek, eta unibertsitate horri diru publikorik ez bideratzea ere galdegin zuten; izan ere, ohartarazi dute egitasmoak irabazi asmoak dituela. Maiatzean Eusko Legebiltzarrean izan zuten aztergai Euneiz onartzeko lege proiektua; kirolari eta eduki digitalei buruzko ikasketak eskaini asmo dituzte.