Gasteizko 3. Instrukzio Epaitegiak espetxeratu egin du herenegun goizaldean atxilotutako dantzaleku bateko atezaina, behin-behinean. Giza hilketa edo hilketa delituak egozten dizkio.
31 urteko gizon bat hil zen herenegun goizaldean, 05:00 aldera, Gasteizko dantzaleku baten sarreran. Lekuko batzuek esan zutenez, atezainak kolpe bat eman zion, dantzalekura sartzea eragozteko, eta gizona lurrera erori zen. Buruarekin lurra jo zuen; konortea galdu zuen, eta bihotzeko batek eman zion. Ertzaintzak atxilotu egin zuen atezaina.
Atezainak gaur deklaratu du epailearen aurrean, eta epaileak espetxeratu egin du, behin-behinean.
