Euskal Autonomia Erkidegoko Auzitegi Nagusiak atzera bota du Bilboko espazio publikoari buruzko ordenantzaren aurka jarritako helegitea. 2010eko irailean udalak araudia onartu zuenean aurkeztu zuen errekurtsoa Kalea Guztiona Da kolektiboak, testuan «debeku gehiegi» zeudelakoan, eta giza eskubideak urra zitzaketelakoan.
Udalak atzo jakinarazi zuen epaitegiak ez dituela ontzat jo helegitearen argudioak, «interpretazio doktrinarioz eta zentsura ideologikoz» bustita daudelakoan. Hartara, ordenantza zuzenbidearekin bat datorrela berretsi du, eta udalak halakorik arautzeko eskumenak badituela baieztatu. Kalea Guztiona Da taldeak datorren astean baloratuko du ebazpena.
Espazio publikoari buruzko Bilboko araudiari jarritako helegitea atzera bota dute
Iruzkinak
Ez dago iruzkinik
Ordenatu
