Espainiako Gobernuak 18 milioi euroren kreditu bat emango dio ESS-Bilbaori

BILBO. Bilboko Teknologia Neutronikoen Zentroaren —espalazio bidezko neutroi iturriaren egitasmotik eratorria— funtzionamendua ahalbidetzeko, hamazortzi milioi euroko kreditu bat emango dio Espainiako Gobernuak ESS-Bilbao partzuergoari. Zamudioko Parke Teknologikoan (Bizkaia) dago zentroa; langileek martxoan salatu zuten egitasmoak ez duela finantzaketa publikorik jaso 2012. urtetik.