Espainia zigortu izana garaipentzat jo du Erkiziak

2021eko ekainaren 24a
00:00
Entzun 00:00:0000:00:00
BILBO. Tasio Erkizia ezker abertzaleko kideak garaipentzat jo du Giza Eskubideen Europako Auzitegiak Espainiako Estatua zigortu izana bere adierazpen askatasuna babestu ez zuelako: «Epaia oso argia da. Esan du nik ez nuela borroka armatuaren inolako apologiarik egin, ez zuzenean, ez zeharka». Prentsaren aitzinera atera zen atzo goizean Erkizia, eta nabarmendu zuen erabat ezberdinak izan direla Espainiako auzitegiek eta Estrasburgokoak kasu beraren inguruan egindako interpretazioak. Haren ustetan, horrek argi uzten du Espainiako justizia ereduak ez duela «justutik ezer». Hain zuzen, Espainiako epaileei «ildo eta estrategia politikoak markatzea» leporatu zien Erkiziak, eta argi adierazi zuen adierazpen askatasunik gabeko estatu bat ez dela «estatu demokratiko bat». Erkiziarekin batera, Haimar Altuna Sortuko Kontseilu Nazionaleko kideak ere hartu zuen hitza. Altuna pozik azaldu zen Erkiziaren aldeko epaiarekin, eta erran zuen leku txarrean uzten duela Espainiako justizia eredua.
Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Kazetaritza propio eta independentearen alde, 2025 amaierarako 3.000 irakurleren babes ekonomikoa behar du BERRIAk.