GASTEIZ. Euskal Herriko Eskubide Sozialen Karta osatzen duten eragileek batzar orokorra egin zuten atzo, Gasteizen. Mugimendu feministak azaroaren 30erako deitutako greba orokor feminista izan zuten hizpide, eta «zaintza eskubide kolektiboaren aldeko borrokari» atxiki zitzaizkien. Halaber, greba batzordeetan parte hartzeko konpromisoa hartu zuten.
Ez da babestuko duten ekintza bakarra izango. Ohar bidez jakinarazi dutenez, parte hartuko dute azaroan osasungintza publikoaren alde egingo dituzten ekinaldietan, baita pentsiodunen mobilizazioetan ere.
Aurrera begira ere, antolatzen jarraitzeko asmoa dute: erabaki dute udaberrirako «mobilizazio indartsu bat» prestatuko dutela: «Krisi ekosozial larria bizi dugu, eta bakoitza bere borrokan ezinbestekoa bada ere, elkarrekin eta elkarlanean eraldaketa sozialari hauspoa emateko ekimen berriak behar ditugu».
Eskubide Sozialen Karta, greba feministaren alde
Iragarri dute eragileek udaberrira begira «mobilizazio indartsu bat» prestatzea proposatu dutela.
Iruzkinak
Ez dago iruzkinik
Ordenatu
