Eskoziako berdeek euskal alderdiei dei egin diete elkarrizketara

Euskal Herriko bake prozesuaren aldeko mozio bat onartu zuen asteburuan Eskoziako Berdeen Alderdiak, Glasgown egin zuen kongresuan. Mozio horretan, eskoziar berdeek Euskal Herriko alderdiei eta eragileei dei egin zien «borondate onez negoziatzeko esertzera, Euskal Herriaren etorkizunarentzat akordio bat lortzeko». Prentsa ohar bidez, Berdeen Alderdiko Peter MacCollek Euskal Herrriko bake prozesuari sostengua adierazi dio, eta Aieteko nazioarteko konferentzian kaleratutako adierazpenarekin bat egin dute Eskoziako berdeek.