ESKER ONA URUGUAIKO HERRIARI

Uruguaiko herriari «esker ona» adierazi zion igandean Ahaztuak 1936-1977 elkarteak, Bilboko Aste Nagusiko azken egunean frankismoko biktimei urtero egiten dien omenaldiaren barruan. Askapena erakunde internazionalistaren eskutik heldu zen uruguaitarren aipamena, 1936ko gerran Nazioarteko Brigadetan parte hartzeagatik. 1994an Montevideon euskal errefuxiatuen estradizioaren kontrako protestetan poliziek tiroz hildako bi lagunak ere gogoan izan zituzten.