Esan sindikatuak «ertzainen aldean paratzeko» eskatu dio Bujandari

BILBO. Esan Ertzaintzaren sindikatuak «ertzainen aldean paratzeko» eskatu dio Josu Bujanda Ertzaintzaren buruari, joan den igandean San Frantziskon (Bilbo) egindako operazio polizialaren ondorioz jaso dituzten kritikak ikusita. Sindikatuak uste du ama-semeak jo eta atxilotu zituzten ertzainen jarduera «zuzena eta neurritsua» izan zela, eta sare sozialetan hedatutako irudiak «manipulatuta» daudela. Irudiak grabatu zituztenak eta leihoetatik «irainak» bota zituztenak identifikatzeko eskatu dute.