Esako alkate frankistaz esanei eutsi egin die Carmen Garciak, eta auzia artxibatu dute

ESA. Maiatzaren 22an, epailearen aurrean deklaratu behar izan zuen Carmen Garciak, Esako (Nafarroa) alkate frankistari buruz esandakoengatik. Oroimen historikoko ikerlan batean, andreak esan zuen alkatea errepresio frankistaz baliatu zela aberasteko. Esako egungo alkate eta 1936ko alkatearen biloba Roberto Martinezek Zangozako Bake Epaitegira jo zuen. Adiskidetze saioa egin zuten. Garciak eutsi egin zion esandako guztiari. Hala ere, Bake Epaitegiak auzia artxibatu du.