ERRAUSTE PLANTA GELDITZEA, OSPAKIZUN

Zubietako errauste planta bertan behera geratu izana festa giroan ospatu zuten herenegun ehunka lagunek, Usurbilen. Hamaika tokitatik bertaratutako herritarrek bat egin zuten Nik ere errauskailua gelditu dut! jaialdian. Haur, gazte eta helduek kantuan eta dantzan gozatu zuten «ezinaren ekinez lorturiko garaipenaz», errauste planta baten maketa eraitsi zuten bitartean. Gipuzkoa Zero Zaborrek argi utzi zuen ez dela erronka makala izan, eta, oro har, gipuzkoar ororen osasunari «mesede handia» egingo diola.