Ernairen webgunearen arduraduna zelakoan, Button inputatu dute

Erredakzioa
2013ko maiatzaren 14a
00:00
Entzun 00:00:0000:00:00
Mikel Button inputatu du Eloy Velasco Espainiako Auzitegi Nazionaleko epaileak, Ernairen webguneaz arduratzen zelakoan. Joan den apirilaren 26an agindu zuen Velascok gazte antolakundearen webgunea behin-behinean ixteko, Xabier Lopez Peña euskal presoaren argazkiarekin «terrorismoa goratzen» zuela egotzita. Epailearen arabera, neurri hori hartu behar da «delituzko ekintzaren jarraipena saihesteko». Egun hartan, Aitor Ortuondo inputatu zuen webgunearen arduradun zelakoan. Baina, joan den astean, Ortuondori akusazioa kendu zion, tekniko bat soilik zela argudiatuta.
Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Kazetaritza propio eta independentearen alde, 2025 amaierarako 3.000 irakurleren babes ekonomikoa behar du BERRIAk.