Pirinio Atlantikoetako Prefeturak iragarri du erlaitzeko bidea hetsiko duela gaur 18:00etatik goiti; ez dute zehaztu noiz irekiko duten berriz. 24 oreneko alerta laranja ezarri dute gauerditik goiti, uholdeak izateko arriskua dutelako Lapurdiko kostaldean, olatuen ondorioz. Sei metroz gorako olatuak izan baitaitezke.
Herminia tenpestak aitzina egiten du emeki-emeki Irlandako kostaldean, mendebaldeko haizeek lagundurik. Haize horiek dituzte, hain zuzen, olatu indartsuak sortzen, Bretainia puntako kostatik Lapurdiko kostaraino iritsi behar luketenak datozen orenetan.
Erlaitzeko bidearen ordez, autoak RD810 eta RD658 errepideetatik pasa daitezke. Informazio guztia Pirinio Atlantikoetako Departamenduaren webgunean dago: inforoute.le64.fr.
