Bi gizonek eraso homofobo bat salatu dute Bilbon, Eusko Jaurlaritzako Segurtasun Sailak erran duenez. Erasoa joan den ostiralean izan zen, iluntzean, eta bi biktimak Gurutzetako ospitalean artatu behar izan zituzten, zauriengatik. Europa Press agentziak adierazi duenez, biktimek salaketa jarri dute.
Nerea Melgosa Eusko Jaurlaritzako Ongizatea, Gazteria eta Erronka Demografikoko sailburuak erasoa gaitzetsi du, eta adierazi ezin direla onartu «pertsonen askatasun indibidualaren kontrako erasoak».
