Eneko Etxaburu euskal presoa aske geratu da, sei urteko zigorra beteta

LOGROÑO. Logroñoko (Espainia) espetxetik irten zen atzo Eneko Etxaburu euskal presoa. 2008an atxilotu zuen Espainiako Poliziak, beste zortzi gazterekin batera. Atxilotuek torturak salatu zituzten, eta Espainiako Auzitegi Gorenak absolbitu egin zituen haietako lau, argudiatuta polizia etxean egindako deklarazioak ezin zirela frogatzat hartu. Etxabururen aurkako zigorra, ordea, berretsi egin zuten epaileek.