Eneko Anduezak aurkeztu du PSE-EE gidatzeko hautagaitza bakarra, eta hura izango da idazkari nagusia aurrerantzean ere. Hautagaitzak aurkezteko epea bukatuta, gaur berretsi du hori alderdiko Etika Batzordeak.
Idazkari nagusia izendatuta, urtarrilean ordezkariak hautatuko dituzte, eta ponentzia politikoaren eta antolaketaren inguruko eztabaidak egingo dituzte.
Hain zuzen, txosten politikoa bihar aurkeztuko dute Eneko Anduezak eta Pau Blasi PSE-EEko Programa eta Prestakuntza idazkariak. Bien arten idatzi dute txostena. Ekain Rico, Patricia Campelo, Aroa Jilete, Itxaso Asensio eta Estibaliz Canto ere bertan izango dira.
Eneko Andueza 2021eko urrian aukeratu zuten lehen aldiz PSE-EEko buru, zazpi urtez alderdia zuzendu zuenari, Idoia Mendiari, lekukoa hartuta. Orduko hartan, Anduezak militante sozialisten %95,30en babesa lortu zuen. Soraya Morla Basauriko (Bizkaia) zinegotzi ohia izan zuen aurkari.
PSE-EEk ohar bidez gogorarazi du alderdiko estatutuek diotela hautagai bakarra dagoenen ez dagoela babesik aurkeztu beharrik.
