Igandean egingo dute Gipuzkoako ikastolen aldeko festa, Azpeitian. Eta elkarlanean arituko dira BERRIA eta Kilometroak: gaur sinatu dute horretarako hitzarmena bien ordezkariek.
Horrela, euskarazko egunkari nazionala izango da jaiaren babesleetako bat. BERRIAk postua izango du festan, photocall, zozketa eta guzti, eta ekitaldi ugari egingo dira bertan; BERRIAren eskaintza hirugarren gunean izango da. Halaber, festari buruzko publizitate eta merchandising eskaintza ere zehaztu dituzte hitzarmenean.
Egunean bertan ez ezik, BERRIA jaiaren parte eta eragile izan da aurreko urratsetan ere: apirilaren 27an egin zuten Kilometroak Txiki eguna, eta hara ere Mantangorri tailerra eta Ekain Txou pailazoaren ikuskizuna eraman zituen BERRIAk.
