Ehunetik hamalau herritar bizi dira pobre edo bazterturik

Pobre edo bazterturik bizi direnengan krisiak zer eragin izan duen aztertu du EAPN Pobreziaren eta Bazterkeria Sozialaren kontrako Europako Sareak, eta emaitza argia da: nabarmen egin du gora egoera larrian bizi direnen kopuruak. 2009an, Hego Euskal Herrian, 325.500 pertsona bizi ziren pobre edo bazterturik —herritarren %11,95—; 2010ean, berriz, 391.000 pertsona bizi ziren arrisku larrian —herritarren %14,3—. Urtebetean, bi puntu eta erdi egin zuen gora pobrezian bizi direnen kopuruak. Ikerketak ez du aldaketa nabarmenik ikusi Nafarroan; pobre direnak ez dira %10era iristen herrialde horretan.